فتحي وصاحب الورشة ( قصة مضحكة )

إضافة شرح

فتحي وصاحب الورشة

فتحي راح اشتغل صبي عند ميكانيكي ..


وفي يوم قال لصاحب الورشة انا اعرف رئيس الحي ! ..


صاحب الورشة مصدقهوش لكن بعد يومين مر رئيس الحي قدام الورشة وسلم على فتحي سلام حار جدا


صاحب الورشة اعجب بفتحي وشغله معلم  فى الورشة … 

وبعد يومين فتحي قال لصاحب الورشة انا اعرف الوزير

 قال له صاحب الورشة لادي  صعبة جدا ..

 وفعلا بعد يومين مر الوزير قدام الورشة وسلم على فتحي !!
صاحب الورشة اتجنن وقال لفتحي يابني انا هجوزك بنتى وتمسك الورشة مكاني .

وبعد يومين قال فتحي لصاحب الورشة انا اعرف أوباما .

ولكن صاحب الورشة قال بلاش تضحك علي دي واسعه اوي منك يافتحي  .

فتحي قاله تعال نسافر وانا اعرفك ..

 وفعلا سافروا أمريكا ووقفوا امام البيت الابيض وفتحي قال شوف الشباك الابيض ،

 حأطلع بعد شوية انا وأوباما ونقول لك هاي

وفعلا فتحي طلع هو وأوباما وعملو للراجل هاااي .

بعد خمس دقائق صاحب الورشة اغمى عليه وراح المستشفى ..

ولما فاق سألة فتحي ليه اغمى عليك علشان شفتنى انا وأوباما  ؟!

صاحب الورشة قال : لا !

انا اغمى علي علشان انت وأوباما واقفين فى الشباك  مر من قدامي اثنين امريكان بيسألونى مين اللي واقف جنب فتحي !!