لماذا تراجع أسعار النفط الخام الأمريكي إلى أدنى مستوى في 30 عاما
عقود أسعار النفط هي عقود شهرية
يعني حضرتك ممكن تضارب علي اسعار النفط لمدة شهر بس قبل يوم ١٨-٢١ من كل شهر لازم تقفل الposition بتاعك لإن أكيد حضرتك مش ناوي تشتري براميل بترول بجد الا لو ناوي تروح تستلمهم من المينا و تخزنهم و تكررهم و تبيعهم مشتقات بنفسك اللي حصل الشهر دة ان عقد البترول هيقفل بكرة و حرفيا مفيش طلب علي النفط نهائيا عشان تباطؤ الاقتصاد العالمي الرهيب و كمان مفيش أماكن ممكن تشتري بيها النفط دة و تخزنه يبقي الدول المنتجة للبترول عندها براميل مضطرة تبيعها و مفيش حد عايز البترول يستخدمه و كمان محدش عنده مكان يخزنه
عشان كدة السعر النهاردة نزل من ١٨ دولار ل سالب للبرميل و دة يعتبر أسوأ اداء يومي البترول منذ بدأ التداول الإلكتروني سنة ١٩٨٣
طب العقد الجديد ليه شغال ب ٢٢ دولار عشان العقد الجديد يسري عليه قرار الأوبك بتاع تخفيض ١٠ مليون برميل يوميا و كمان الناس عندها أمل ان الطلب هيزيد شوية عن المعدلات الحالية و طبعا الانهيار بتاع النهاردة مش هيأثر علي سعر البنزين لإن دة بيتحدد علي متوسط اسعار ٣ شهور مش يوم بيوم